पुणे आयुक्त कार्यालय जवळ दुचाकीवरून आलेल्या हल्लेखोरांनी एकावर गोळीबार केल्याची खळबळजनक घटना दुपारी 3 सुमारास घडली.यात गोळी लागल्याने एकजण जखमी झाल्याची माहिती समोर आली आहे.
सविस्तर माहिती अशी की,चर्च रोड वरील एस.बी आय बँकेच्या ट्रेझरी जवळ हा गोळीबार झाला आहे. घटनास्थळी पोलीस दाखल झाले असून,नेमके गोळीबारचे कारण समजू शकले नाही.जखमीस पुढील उपचारासाठी रुग्णालयात दाखल केले आहे.भरदिवसा गोळीबार झाल्याने त्या परिसरात प्रचंड खळबळ उडाली आहे.घटनास्थळी गुन्हे शाखेचे अप्पर पोलीस आयुक्त अशोक मोराळे, पश्चिम विभागाचे अप्पर आयुक्त डॉक्टर संजय शिंदे, उपायुक्त स्वप्ना गोरे, यांच्यासह अधिकारी व बंडगार्डन पोलीस दाखल झाले आहेत. दरम्यान गोळीबारात जखमी झालेल्याची प्रकृती चिंताजनक असल्याची माहिती घटनास्थळावरील उपस्थित असलेल्या पोलीस अधिकाऱ्यांनी दिली आहे.
