पुण्यातील गंगाधाम चौकातील झालेल्या खुनाचा उलगडा करण्यात बिबवेवाडी पोलिसांना यश आले.सदर खुन घरगुती वादातून झाल्याचे पोलिसी तपासात निष्पन्न झाले.या प्रकरणी कविता माखनलाल बेरवा (वय-२८रा.ओंकारनगर,बिबवेवाडी,पुणे यांच्या फिर्यादीनुसार बिबवेवाडी पोलिस स्टेशनमध्ये खुनाचा गुन्हा दाखल केला आहे.प्रकाश खाजप्पा काणेकर (वय-४०) असे खुन झालेल्या व्यक्तीचे नाव आहे.या प्रकरणी त्याचा लहान भाऊ सुरेश खाजप्पा काणेकर वय (-३२) याला बिबवेवाडी पोलिसांनी अटक केली आहे.प्रकाश हा दिवसा बिगारी काम करून रात्री सुरक्षा रक्षकाचे काम करत होता.संतापाने लहान भावाने ४० वर्षीय मोठ्या भावाला लाकडी पलंगाच्या दांडक्याने डोक्यात प्रहार करून निर्घुण खुन केला ही घटना बिबवेवाडी परिसरातील वर्धमान सांस्कृतिक केंद्रा समोरील कालिदास जागडे यांच्या मोकळ्या जागेतील पञ्याच्या शेडमध्ये शनिवारी घडली होती.
पोलिसांनी तपासाला सुरूवात केली असता पत्ते खेळण्याच्या वादातून प्रकाशचा खुन झाल्याची शक्यता वर्तवली होती.परंतु अधिक तपास केला असता प्रकाशच्या सख्ख्या भावाचे नाव पुढे आले.त्यानंतर पोलिसांनी सुरेश खाजप्पा काणेकर याला ताब्यात घेऊन चौकशी केली असता त्याने आपल्या मोठ्या भावाची प्रकाशचा खुन केल्याची कबुली दिली.या प्रकरणाचा तात्काळ उलगडा करून आरोपीला अटक केल्याबद्दल बिबवेवाडी पोलिस व तपास अधिकाऱ्यांचे कौतुक होत आहे
